Entit Shtetëror për Pronësi Industriale dhe Ministria e Punëve të Brendshme po thellojnë bashkëpunimin në luftën kundër piraterisë dhe shkeljes së të drejtave të pronësisë industriale.
Në takimin e sotëm midis Drejtorit të Entit Shtetëror për Pronësi Industriale Goran Gerasimovski dhe Ministrit për Punë të Brendshme Oliver Spasovski u diskutua roli, aktivitetet dhe parashtresat, në bazë të së cilave vepron Trupi Koordinues për Pronësi Industriale në ESHPI dhe bashkëpunimi i mëtejshëm midis institucioneve në fushën e mediave digjitale dhe rrjeteve sociale, përmes Sektorit për Krimin Kompjuterik dhe Forenzikën Digjitale pranë Ministrisë së Punëve të Brendshme.
Qëllimi i ESHPI-së është të forcojë bashkëpunimin mes Trupit Koordinues dhe të gjitha institucioneve përkatëse në mënyrë që të përshpejtojë përpunimin në zgjidhjen e rasteve që arrijnë në Trupin Koordinues. Vetëm përmes bashkëpunimit të ndërsjellë dhe ndërgjegjësimit të publikut për nevojën dhe përfitimet e mbrojtjes së të drejtave të pronësisë intelektuale mund të ndalet shkelja e të drejtave të pronësisë intelektuale.