![](http://www.ippo.gov.mk/docs/xFiles/galleries/20/cd991e24-6546-4892-8a5c-7e66db06905e.jpg)
Од 20 Април 2015 година, Државниот завод за индустриска сопственост (ДЗИС), Завод за интелектуална сопственост на Босна и Херцеговина и Заводот за интелектуална сопственост на Србија станаа членки на TMclass.
Со последните три зачленувања, вкупно во алатката се присутни 45 национални заводи за интелектуална сопственост, вклучувајќи ОХИМ, СОИС и OAPI.
TMclass сега на корисниците им ја нуди можноста за пребарување и превод на термини на 34 расположливи јазици, вклучувајќи го македонскиот, српскиот јазик во кирилица, и босанскиот.
Оваа успешна интеграција е резултат на заедничка соработка во рамките на Програмата за меѓународна соработка раководена од страна на ОХИМ во соработка со меѓународните партнери.