Почитувани,
Државниот завод за индустриска сопственост преку Европската Патентна Организација (ЕПО), Ве информира дека Опсерваторијата за патенти и технологија на ЕПО, неодамна ја започна студијата Mapping investors for European innovators.
Целта на оваа програма е да се подобри пристапот до финансиски алатки за европските иноватори- со особен фокус на пронаоѓачите, стартапите и малите и средни претпријатија и универзитетите. Со правилно менаџирање на правата од индустриска сопственост може да се искористат финансиските алатки кои се достапни на линкот од Европската Патентна Организација (ЕПО). Познавањето и правилното користење на индустриската сопственост ИС од страна на иноваторите може да им обезбеди финансирање и проширување на можностите на малите и средни претпријатија, стартапите и универзитетите со ефективно користење на патентите.
Како надополнување на студијата Mapping investors for European innovators, Deep Tech Finder (алатка за меѓусебно поврзување на бизнис со патентите информации) основана од страна на EPO, и претставува нов филтер кој им помага на стартапите, малите и средни претпријатија и универзитетите да ги најдат најсоодветните инвеститори за нивниот специфичен профил на компанија врз основа на критериуми како што се начинот на финансирање, технолошка област и земја на интерес.
Студијата Mapping investors for European innovators има за цел да ги зајакне можностите за финансирање за стартапи водени од технологија во Европа. Го воведува резултатот од технолошката инвестиција (TIS), која претставува нова метрика што ги идентификува инвеститорите специјализирани за технолошки компании, земајќи го во предвид влогот од компаниите кои поседуваат патенти. Користејќи ја оваа студија, се обезбедува детално мапирање на специјализирани технолошки инвеститори достапни за европските стартапи и ги испитува критичните фактори кои ја обликуваат европската конкурентност.
Ситематеријалиседадениналинковитеподолу:
- Full study
- Executive summary
- Observatory on Patents and Technology
- Financing innovation programme
- Deep Tech Finder