По повод Светскиот ден на интелектуалната сопственост 2024 година, генералниот директор на СОИС Дарен Танг размислува за значајноста на интелектуалната сопственост како катализатор за ослободување на моќта на иновациите и креативноста за справување со нашите заеднички глобални предизвици.
Светскиот ден на интелектуалната сопственост 2024 ги слави иноваторите, креаторите и претприемачите кои поттикнуваат промени и градат поодржлива иднина за сите нас.
Светски ден на интелектуалната сопственост 2024:
Порака од генералниот директор на Светската организација за интелектуална сопственост, Дарен Танг
Почитувани,
Во 2015 година, светот се собра со историско ветување, дека ќе изградиме подобра и поправедна иднина.
Резултатот беа целите за одржлив развој на Обединетите нации: глобална иницијатива за справување со гладот, ублажување на сиромаштијата, намалување на емисијата на штетни материи, подобрување на здравјето, промовирање еднаквост и поддржување одржлив развој ширум светот.
Но, напредокот на одржливиот развој беше доведен во застој, со само 15% од целите кои остануваат на вистинскиот пат.
Ова треба да се промени.
Низ историјата, кога се соочувавме со предизвици, човечката генијалност, идеите и иновациите ни овозможија да ги надминеме истите и да успееме.
Значи, за да ги вратиме целите на одржлив развој на вистинскиот пат, треба да ја искористиме интелектуалната сопственост како катализатор за ослободување на моќта на иновациите и креативноста за справување со нашите заеднички глобални предизвици.
Почнувајќи од електричните возила, се до лековите кои спасуваат животи, чистата и зелена технологија, вештачката интелигенција и дигиталните технологии и многу други – интелектуалната сопственост може да биде движечката сила за претворање на смелите нови идеи во фактор за реалниот свет.
Така, на овој Светски ден на интелектуалната сопственост, ве повикувам да се здружиме како глобална заедница и користејќи ја моќта на интелектуалната сопственост, да ги оствариме целите на одржливиот развој, за да изградиме подобра иднина за сите нас.
Дарен Танг,
Генерален директор на СОИС
World Intellectual Property Day April 26, 2024 (wipo.int)