На 7ми декември Државниот завод за индустриска сопственост на Република Северна Македонија одбележа 30 години од неговото постоење.
Свечениот настан со поздравен говор го отвори г-дин Стево Пендаровски, претседател на Република Северна Македонија. Потоа директорот на Државниот завод за индустриска сопственост г-дин Блерим Идризи ги поздрави присутните гости и даде краток осврт за досегашните постигнувања и успеси на Заводот. Поздравен говор кон присутните гости имаа: г-дин Хабиб Асан, директор на Оддел за земјите во транзиција и развој на Светската организација за интелектуална сопственост (WIPO), г-дин Кристоф Ернст, потпретседател за правни и меѓународни работи на Европската патентна организација, г-дин Ибон Омарзабал, координатор на земјите од европското окружување и кандидатските земји, Сервис за меѓународна соработка при Организацијата за интелектуална сопственост на Европската унија (EUIPO) и првиот директор на Државниот завод за индустриска сопственост, г-дин Ѓорѓи Филипов.