| | Sitemap | EN | SQ



Се унапредува соработката во борбата против фалсификуваните производи

Заменик директорот на Државниот завод за индустриска сопственост  и претседател на Координативното тело за интелектуална сопственост г. Горан Герасимовски денеска се обрати на настан за подигнување на јавната свест за заштита на правата од интелектуална сопственост и идентификување фалсификувани производи кој се одржа во хотел “Русија”.  

„Наша задача како Координативно тело е да гарантираме континуирана соработка, да организираме заеднички акции, односно да изградиме и одржуваме ефикасен механизам за заштита на правата од индустриска сопственост, авторските и сродни права.

Токму затоа продолжуваме силно да работиме во оваа насока, а денешниот настан е чекор во вистинскиот правец“, изјави Герасимовски.

Со денешниот настан воедно се одбележа и потпишувањето на меморандум за соработка помеѓу невладината организација „Реакт“ и Царинската управа на РСМ, со цел да се унапреди соработката во борбата против фалсификати.

27.09.2019