Во моментот кога ќе одлучите вашиот изум да го заштитите со патент, првата акција која ќе треба да ја превземете е да поднесете пријава која се состои од:

• барање за признавање на патент на образец ДЗИС-П1 на А4 формат, во три примероци;
• опис на пронајдокот;
• едно или повеќе патентни барања;
• кратка содржина на суштината на пронајдокот (апстракт);
• нацрт (доколку е потребен) на кој се повикува описот и патентното барање.

Истотака кон пријавата се доставуваат и други состојки и прилози како што се:

• превод на македонски јазик ако пријавата е поднесена на странски јазик;
• доказ за платена соодветна административна такса и доказ врз основа на кој се темели намалувањето на таксата доколку постои основ за тоа;
• овластување на застапникот ако пријавата се поднесува преку застапник;
• податоци за други подносители и изјава за заеднички представник ако пријавата е поднесена од повеќе подносители;
• податоци за други пронајдувачи;
• изјава од пронајдувачот ако истиот не сака да биде наведен во пријавата;
• доказ за правото на првенство ако е побарано право на првенство;
• доказ за депонирање на живиот биолошки или микробиолошки материјал ако истиот е неопходен за опишување на пронајдокот;
  попис на нуклеотидни и/или аминокиселински секвенци ако пријавата содржи откривање на една или повеќе нуклеотидни и/или аминокиселински секвенци.

Сите овие состојки и прилози треба да содржат потпис и печат на подносителот на пријавата, односно на застапникот ако пријавата е поднесена преку застапник.