Директорот на Државниот завод за индустриска сопственост Горан Герасимовски денеска одржа состанок со Европската патентна организација (ЕПО) која во следните четири години ќе имплементира 7 проекти во областа на ИТ технологијата.
На денешниот состанок кој беше организиран од ЕПО на чија покана учествуваа сите земји членки за билатералната соработка, како дел од Стратешкиот план 2020 – 2023 година стана збор за ИТ проектите, теренскиот пристап и поттикнувањето на иновации од областа, новата структура и пристап кон образованието за ИП и сертифицирање. Исто така на состанокот беа споделени и резултатите од истражувањето за 2020 година.
Преку оваа соработка Државниот завод за индустриска сопственост заедно со ЕПО ќе ги доближи услугите до иноваторите, особено за проектите од ИТ технологијата.